2020 жылғы 30 қарашада Нұр-Сұлтан қаласында Қазақстан Республикасы Президентінің жанындағы Қазақстан стратегиялық зерттеулер институты және Қазақстан Республикасы Сыртқы істер министрлігінің ұйымдастыруымен Қазақстан Республикасының Тұңғыш Президенті күніне орайластырылған халықаралық конференция өтті. Жинақта конференцияға қатысушылардың Қазақстан Республикасының Тұңғыш Президенті – Елбасы Н.Ә. Назарбаевтың заманауи қазақстандық мемлекеттің негізін қалаушы ретіндегі рөлі, Президенттің халықаралық бастамаларының әлемдік және тарихи үдерістегі маңыздылығы, Елбасының мемлекеттік басқарудың тиімді жүйесін құру мен ұлттық тарихтың қазіргі кезеңінде елдің даму басымдықтарын айқындау, сыртқы саясаттың стратегиялық бағытын қалыптастыру, өркениетаралық және конфессияаралық диалогты нығайтудағы жетістіктері туралы ой-пікірлері ұсынылған. Басылым саясаттанушыларға, тарихшыларға, халықаралық саясат мамандарына, сондай-ақ оқырмандардың кең аудиториясына арналған.
